أكتشفـت اكتشـاف مذهل ,
بحب اتـوه ف الزحمة آآه , بس بيجيلـى أكتئاب منها !
مع الناس مش ببقـى براحتى ,
بحب النـاس , بس لازم وقتهم يبقى محدد فى حياتـى ,
اصلى فى الدوشـة بفكر كتيـر وبمارس هوايتـى المفضلة ,
ألا وهى " الفرجـة على وشوش النـاس " ,
بحب أشوف ملامحهم وانفعالاتهم وطريقة حركاتهم
وبزعل لما بشوف ملامح شخص حزين , وانا اصلا مش ناقصة !
اصلى بخترع اى سبب للأكتئاب ,
وبما ان وشوش النـاس بقت دايمـا حزينـة فبلاش أمارس هوايتـى لفتـرة
يا إما وشوشهم تتعلم تضحـك , يا اما ابطل دى هوايـة
او اختـار الحل الاسهـل , ابقى لوحـدى :(

أتعرف ذلك الشعـور الذى يجعـلك تحلـق خارج روحـك ؟!

تشعر وكأنك فراشـة صغيـرة تحمـلها الريـاح مثلما تشـاء . .
غيـر مهتم بالإتجـاه , ولا المكـان , ولا إلى اين ستحمـلك خطواتـك !
تظل روحـك معلقـة خـارج جسـدك لا تعرف وجهتهـا . .
مستمتعـة بالضياع , غير مباليـة لأى معنى فى حياتـك . .
تشعر بخفـة روحـك وهى تتمايـل يمينـا ويسـارا , وكأن لها قدمـان حافيتـان تلامسـان الارض وتشعران بالاستمتـاع لبرودتهـا !
يضفى البـرد شيئـا من الاستمتـاع المخلوط الحريـة . .
وقتهـا فليغضـب من يغضـب وليعاتب من يعاتب
فروحـك وعقلك وقلبك اتفقـوا على شـئ واحد , لا يعرفـون غيره ,
اتفقـوا على ألا يختلفوا "ولو للحظـات " !
تطل بروحـك لترى جسـدك الذى يأويك وهـو هائـم فى عالـم ليس موجود سوى فى خيـالك !
تتمنـى لو تمطـر السمـاء لتكتمـل الصورة :)
تشعر وكأن عمـرك لم يتجـاوز العاشـرة , وقلبـك ليس به ضغائـن لأحد . .
فقـرر أن يسامـح كل من أساءوا له ويبتسـم :)
وقـرر عقلك أن يُبـرم معاهـده مع قلبـك لوقف اطـلاق الاتهامـات " ايضا ولو للحظات " !
فيصبـح كل ما بك مبتسـم , مُحلق , يشعر وكأنه فراشـة ! :)

عرفت إنى مش هعـرف أعيش فى الدنيـا لوحـدى !
عشـان عنـدى صحـاب .. خلونـى إستحـالة أفكر " مجرد تفكيـر " إنى اصحـى
والاقى نفسـى لوحدى وهمـا مش معايـا .. !
كان الاول .. كل اللى بتمنـاه إنى ابقـى عايشـة منغيـر نـاس ..
عشـان لا أسمع كلام يضايـق ولا حتـى فعل يِزَعل !
بس بعـد كدة عرفـت إنى كنت عبيطـة !!
أصلهم بقـوا جزء من حيـاتى ..بدعى ربنـا كل يـوم إنهم يفضلـوا معايـا على طــوول :)
منهم اللى استحملنـى كتيــــــــــر .. واستحمـلوا " زنـى وترددى وتسـرعى دايمـا "
ومنهم اللى استحملنـى آآه .. بس ماكانش عنـده قوة تحمـل ليا !
ومع أول غلط عملـته ومنغيـر قصـد .. سابونـى ومشيـوا !
بس فى نـاس مامشيتـش .. بس وجودهـم بقى زى عـدمه !
يمكـن كانـوا مشيوا اسهل ..
وجودهـم بقى سد خانة وفاكرنى مش فاهمـة
وعايـزنى اصدق إن نبـرة صوتهم دى طبيعيــة .. ونظراتهم اللى مليانة عتـاب دى برضه طبيبعية !
وكل ما اسأل عن السـبب .. ملاقيش رد غيــر " مفيش حاجــة "
طب وأنا كمـان مفيش حاجة .. ومش هسأل تانى بعد كده
عشـان قلـة السؤال كان اسهل عليـا .. 

أرادت لو أنها تضمه للمرة الاخيرة .. !!

حسنا ..

فكل مرة كانت تعانقه فيهاا .. كانت فى احلامهاا ..!!

دخلت القاعه وهى تنازع دموعها طوال الطريق ..

وكيف لها ان تذهب وترى بجانبه اخرى غيرهاا ..؟؟

كيف لها ان تهنئه على زفافه ..؟؟

كيف لها ان تنظر فى عينيه وتتمنى له السعادة مع اخرى غيرها ..!!

كيف ستهنئ عروسه ايضاا ؟؟

ظلت تستعد لهذا اللقاء منذ ان عرفت خبر زواجه ..

ظلت تدرب قلبها على هذا اللقاء ..

لكن وقت ان رأته بجانبهاا .. نست كل شئ !!!!

أرادت لو أنها تجرى نحوه وتقول للناس جميعا لو انها تحبه !!

انا التى احبه ..!!

انا التى عشت عمرى بأكمله لا أفكر الا فيه .. منذ ان فتحت عينى على الدنيا لم أرى الا هو ..

لم يدخل قلبى غيره قط ..كم من ليالى وأنا اخدع الجميع انى نائمة ..

وانا فى الحقيقة انا  مستيقظة .. أبكى .. وأدعو الله ان يجمعنى به فى خير ..

كم منعت لسانى من قولها !!

لكن ..

كل هذا تلاشى عندما قرأت ما بداخل عيناه .. فهى رأت سعاادته معهاا ..

وشعرت أيضا انها تحبه .. لذا أحست بالانانية لو قالت كل هذا ..

فهل هذا ما تتمناه ؟؟ ان تفسد أجمل يوم فى حياته ؟؟

فالأمر الوحيد الذى تتمناه هو أن يكون سعيد .. فقط يكون سعيد ..!!

سواء معها او مع غيرهاا ..

أقتنعت فجأة بشئ قرأته من قبل .. لكنها لم تصدقه .. :

ليس من اللازم ان يكون من يحبك بجانبك .. انما يكفى ان يكون بقلبك الى الابد ..!!

فلم تدرك معناها .. الا عندما رأت ما بداخل عيناه ..

..لكن هذا لم يوقف الحزن بداخل قلبها ..مرت الثوانى.. والدقائق.. والساعات

 ألقت نظرة أخيرة عليه ثم ودعته بنظرة .. شعر فيها بشئ من الغرابة.. رغم انشغاله بفرحته ..

سلمت على عروسه وهمست فى أذنها قائلة : أتمنى أن تريا السعادة معاا ..!!

ثم أختفت من بين الحاضرين ..ذهبت لمنزلها ..ودخلت على أمها ..

قبلت يداها .. وارتمت فى حضنها وهى تبكى .. حقا بكت من قلبها ..

خففت أمها عنها .. ثم تكلما لبعض الوقت ..دعت لها أمها أن ترى السعادة مع غيره .. وأن يرزقها بمن يسعدها

ذهبت لتتوضأ .. وصلت ركعتان لله .. وتمنت شئ لم يسمعه الا الله .. وخلدت للنوم ..

ذهبت لتوقظها امها فى الصباح .. طرقت على الباب .. لكنها لم تجب !!

قلقت أمها .. فتحت باب الغرفة .. لتجدها أسلمت روحها لخالقها ..!!

لتكون امنيتها الأخيرة ..!!!!

طبيعــى إنك تحس أن قلبك مش بتــاعك .. إن كلك مش ليــك ..
إنك حد تانــى فى شكــلك إنت !
إن كل النــاس اللى عايشــة معاك وعايش معــاهم مايعرفوش أنت ميــن ؟!
ما هو انت أصلا مش عــارف !
"سـؤال صعب كده ؟ انت مين ؟!

ساعــات بســرح فى الســؤال ده .. وماعــرفش ليــه إجابة ..
ولا حتى عايــزة أعرف .. ولا لأ عايــزة أعرف
عايــزة أعرف أنا بقيــت ميـن عشــان أعرف أتعامل معايــا ..
عشــان أعرف إيه بيزعلنـــى وماعملــوش .. أو مين زعلنــى وما أشوفهوش ..
ميــن بفرح لما أشوفــه وأروح ليه .. ميــن وقف معايا وقــت ما كان محدش عايزنى .. وأواسيه !
أصلى انا بقيت حد تانى غيرى .. أنا نسيت كل حاجــه كانت زمــان .. فجأة صحيت لقيتنــى مش فاكرانــى .. أكيد مش فجــأة ..
بس بالتدريــج !!
يعنى مــرة فقدت الثقـــة فى نفسى .. برضه مش مرة واحدة .. مرة عدت وراها التانيــة لحد ما خلص الإحساس ده جوايــا .. الثقــة بقت حاجه غريبــة ماعرفهاش ..
لو أتقالت قدامى كأنك بتسأل طفل يعنى إيه "ليبراليـــة" !!
ومرة راح الإحســاس بالأمان .. حــتى جــوة نفســى مباقتش أحسُــه مرة ورا مرة لحد مابقــى الخووف بديلــى الوحيــد !
ومرة فقدت حد بحبــه سواء الموت أخــده منى .. أو حتى منغيــر ما يقوول .. أو حتى قال "مش فارقه " !
بس أنا فارقــه معايا ..أنا عايــزة أتعلم من تــانى كل حاجه راحت منــى ..
يعنــى إيه نجاح .. بس لأ ده فاكــراه كويس .. أصله هو السبب فى اللى انا فيــه دلووقتى.. خلانى أحس حاجــه إسمها "غــرور " فاكــراه برضه .. بس نفسى أنســـاه !!

يمكـن كتيـر حاسين زيي . . يمكـن الزحمـة اللى جوايـا جوة نـاس كتيـر !
ناس كتيـر مش عارفيـن هما إيـه . .
مش عارفيـن يعبـروا . . ولا يبـيـنـوا ملامحهم الحقيقــية . .
فاكريـن نفسهـم مظلوميـن . . و أن الناس مش فاهمـاهم . .
بس اللى انــا عارفـاه . . إنى كائـن مش بيرتـاح غير جـوة نفسـه . .

وعنـده إستعداد رهيـب للاكتئاب !
فاكـر إنه ممكـن يبقـى أسعد إنسان لو عـاش لوحـده منغيـر نـاس . .
بس أول مايبقـى لوحـده يبقـى عايـز يرجعلهـم تانـى !!
بيبقـى نفسـه مايتكلمـش ولا يحكـى لحـد حـاجه تخصـه . .
بس أول ما يلاقى حد فاهمـه أو حاسـس بيه . .
يحكيلـه كل حاجـه . . بس بيرجـع ينـدم . . ويقوول يا ريتنـى ما قولـت !!
إنسان عاش طول حيـاته يبنـى أساس لأحلامه و يشيـد فى عواميـد . .
ويقنـع نفسـه إن الحلـو فى الآخـر . .
بس أما جه قبل الآخر بشويـة . . صرف تحويشـة عمـره على كل حـاجه ماحلمـش بيها . . ولقى نفسـه مفلـس قدام أحلامـه اللى كان نفسـه تتـحقق ! !
انـا اكتـر إنسـان مستفز على وجه الأرض . .
أتكسـرت أحلامه قدام عينيـه وماعملـش حاجـة . . ولا حتـى لمها !
لما يحـس إنه عايـز يتدفـى فى حضـن حد ومايلاقيـش حد صاحـى . . يحضـن نفسـه ويطبطـب عليهـا . . !
بيكـره الانانيـة قد عنيـه . . بس فى نظـره إنه اكتتر إنسان أنانى على وش الأرض !
نفسه يقـول حاجـات كتيـر بس الحروف مش مقضيــة !
عايـز يعيـش فى هـدوووء بس مليـون زحمـة جوة نفسه . .
مش بيحـب الرغـى بس أول ما يحـب يسكـت يتكلـم منغيـر ما يتردد . .
نفسـى الناس تفهمنـى بس فى سرهـم !